العفو عند المقدرة .. . بقلم \ موسى فتوح

سامح  ربنا يغفرلك في شهر رمضان ، روح صالح فلان وقوله انا مسامحك من اجل  ربنا يسامحك

.. اصل لو لم  تسامحت الذى  مزعلك ستبقي مشاحن وان الله لا يغفر لمشاحن ..

 عايز اوضح حاجة من اجل الكلام ده بتحمل الناس فوق طاقتها

لا يبقى  واحد محطوط عليه وعاش أيام وليالي يبكى  بدل الدموع دم من وجع قلبه

وحزنه ونقوله روح يا حبيبي صالح اللي بهدلك وسامحه عشان ربنا يسامحك !!!!!

المشاحن ليس  هو الشخص اللي لا  يعرف يسامح من اجل  واحد واكل ماله ومال عياله ،

ولا اللي مش عارف يسامح عشان اتظلم واتخدع واتآذى نفسيا

، ولا اللي مش عارف يسامح عشان اتقطع عيشه بالظلم والافتراء ،

ولا اللي مش عارف يسامح الل كان السبب في خراب بيته

ولا  يعرف ينسى القهرة اللي اتسببله فيها غيره ..

ده اسمه انسان مظلوم .. وليس فقط  من حقه انه لا يسامح  ..

لا  هذا من حقه يدعي من قلبه علي الشخص اللي ظلمه وقهره .

. والله لو قدر يسامح ف كتر الف خيره ، لكن لو مش قادر فلا يكلف الله نفساً إلا وسعها ..

اما المشاحن فده الشخص اللي شايل جواه نية الايذاء بغير وجه حق

، يعني يبقي عايز يضايق حد ويؤذيه ويفضل يفكر ويخطط يعمل ايه عشان يقهره ويضايقه ويوجع قلبه ..

بلاش تخوف غيرك وتجبره علي حاجه لا يقدر  عليها ،

وبالراحه على قلوب العباد ، احنا بني ادمين وليس  ملايكه ..العفو  عند المقدرة ……